ഞാൻ കരയുമ്പോൾ
എന്റെ ബെഡിലിരുന്ന്
ഒരു പ്രേതം പെടുക്കുന്നു.
പച്ച നിറത്തിൽ..
എനിക്കെഴുന്നേറ്റ് പോണംന്നുണ്ട്
ഒന്ന് കുളിക്കണം ന്നുണ്ട്
പെടുക്കുന്ന പ്രേതത്തിന് പോലും
ഞാനെഴുന്നേറ്റ് പോണംന്നുണ്ട്
ഞാൻ വീണ്ടും വീണ്ടും കരയുന്നു
പ്രേതം വീണ്ടും വീണ്ടും പെടുക്കുന്നു
എനിക്ക് പറങ്ക്യണ്ടി ചുട്ടതുതിന്നണം..
വള്ളിച്ചാട്ടം ചാടണം..
പാടണം..
എനിക്കീ പച്ചമൂത്രത്തീന്നു പോണം
എന്റെ വീട് ബെഡിന് പുറത്താണ്..
എന്റെ കണ്ണും മൂക്കും
പ്രേമവും
എന്റെ കടലും
ബെഡിന് പുറത്താണ്.
ഇവിടെക്കിടന്നുകിടന്ന്
ഞാനൊരു നാരങ്ങയായി
എന്റെ ഹൃദയം ഒരു പച്ചത്തവളയായി പുറപ്പെട്ടുപോയി
എന്റെ പ്രേതമേ..
..
പെടുത്ത്പെടുത്ത്അതിന്റെയൂപ്പാട് വന്നു
അതിനു കരച്ചിലും വന്നു
ഞങ്ങളിപ്പോ വെറും കടലാണ്
പച്ചക്കടൽ